ਤਰਕਸ਼ੀਲ ਸੁਸਾਇਟੀ ਪੰਜਾਬ ਦੀ ਇਕਾਈ ਮੁਹਾਲੀ ਨੇ ਲੈਕ. ਸੁਰਜੀਤ ਸਿੰਘ ਨੂੰ ਜਥੇਬੰਦਕ ਮੁਖੀ ਚੁਣਿਆ

 ਮੋਹਾਲੀ,18 ਮਾਰਚ (ਗੋਰਾ ਹੁਸ਼ਿਆਰਪੁਰੀ); ਤਰਕਸ਼ੀਲ ਸੁਸਾਇਟੀ ਮੋਹਾਲੀ ਦਾ ਸਾਲਾਨਾ ਇਜਲਾਸ ਬਲੌਂਗੀ ਸਥਿਤ ਸ਼ਹੀਦ ਭਗਤ ਸਿੰਘ ਲਾਇਬ੍ਰੇਰੀ ਵਿਖੇ ਹੋਇਆ, ਇਜਲਾਸ ਦੀ ਸ਼ੁਰੂਆਤ ਜਰਨੈਲ ਕ੍ਰਾਂਤੀ ਵਲੋ ਜੋਨ ਆਗੂ ਅਤੇ ਚੋਣ ਅਧਿਕਾਰੀ ਸ਼ੈਲਿੰਦਰ ਸਰਹਾਲੀ ਜੀ ਦਾ ਸੁਆਗਤ ਕਰਦਿਆਂ ਕੀਤੀ ਗਈ | ਇਸ ਦੇ ਬਾਅਦ ਲੰਘੇ

ਸੈਸ਼ਨ ਦੌਰਾਨ ਸੁਸਾਇਟੀ ਦੇ ਵਖ ਵਖ ਵਿਭਾਗਾਂ ਦੇ ਮੁਖੀਆਂ ਵਲੋ ਆਪੋ ਆਪਣੇ ਵਿਭਾਗਾਂ ਦੀ ਕਾਰਗੁਜਾਰੀ ਰਿਪੋਰਟ ਪੇਸ਼ ਕੀਤੀ ਗਈ। ਜਿਸ ਵਿੱਚ ਪ੍ਰਾਪਤੀਆਂ ਅਤੇ ਘਾਟਾਂ

ਉਪਰ ਚਰਚਾ ਕੀਤੀ ਗਈ ਅਤੇ ਅਗਲੇ 2 ਸਾਲਾਂ ਵਾਸਤੇ ਕਾਰਜ ਵਿਉਂਤ ਉਲੀਕੀ ਗਈ ਜਿਸ ਤਹਿਤ ਸਕੂਲਾਂ ਅੰਦਰ ਚੇਤਨਾ ਪ੍ਰੀਖਿਆ ਦੇ ਮਾਧਿਅਮ ਰਾਹੀਂ, ਪਿੰਡਾ ਦੀਆਂ ਸੱਥਾਂ ਅਤੇ ਹੋਰ ਖੇਤਰਾਂ ਵਿਚ ਨਾਟਕਾਂ ਰਾਹੀਂ ਵਿਗਿਆਨਕ ਸੋਚ ਦਾ ਪ੍ਰਸਾਰ ਕੀਤਾ ਜਾਵੇਗਾ।

ਇਸ ਮੌਕੇ ਅਗਲੇ 2 ਸਾਲਾਂ ਵਾਸਤੇ ਨਵੀਂ ਕਾਰਜ ਕਰਨੀ ਕਮੇਟੀ ਚੁਣੀ ਗਈ ਜਿਸ ਤਹਿਤ ਲੈਕਚਰਾਰ ਸੁਰਜੀਤ ਸਿੰਘ ਨੂੰ ਜਥੇਬੰਦਕ ਮੁਖੀ ਡਾ. ਮਜੀਦ ਆਜਾਦ ਨੂੰ ਵਿੱਤ ਵਿਭਾਗ ਮੁਖੀ ਸ਼ਮਸ਼ੇਰ ਚੋਟੀਆਂ ਨੂੰ ਮੀਡੀਆ ਵਿਭਾਗ ਮੁਖੀ ਗੋਰਾ ਹੁਸ਼ਿਆਰਪੁਰ ਨੂੰ ਸਭਿਆਚਰਕ ਵਿਭਾਗ ਮੁਖੀ ਅਤੇ ਇਕਬਾਲ ਸਿੰਘ ਨੂੰ ਮਾਨਸਿਕ ਸੇਹਤ ਵਿਭਾਗ ਮੁਖੀ ਚੁਣਿਆ ਗਿਆ, ਇਸਦੇ ਨਾਲ ਹੀ ਵਿਭਾਗਾਂ ਦੇ ਸਹਾਇਕ ਵੀ ਚੁਣੇ ਗਏ। ਅਗਾਉ ਆਉਣ ਵਾਲੇ ਸੂਬਾ ਅਤੇ ਜੋਨ ਇਜਲਾਸ ਵਾਸਤੇ ਜਸਵੰਤ ਮੋਹਾਲੀ ਡੇਲਿਗੇਟ ਵਜੋਂ ਸ਼ਿਰਕਤ ਕਰਨਗੇ। ਇਸ ਮੌਕੇ ਬੋਲਦਿਆਂ ਬਜੁਰਗ ਆਗੂ ਜਰਨੈਲ ਕ੍ਰਾਂਤੀ ਜੀ ਨੇ ਕਿਹਾ ਕਿ ਸਵਿਧਾਨ ਦੀ ਧਾਰਾ 51 ਤਹਿਤ ਸਰਕਾਰ ਦਾ ਫਰਜ ਬਣਦਾ ਹੈ ਕਿ ਉਹ ਵਿਗਿਆਨਕ ਸੋਚ ਦਾ ਪ੍ਰਚਾਰ ਕਰੇ ਪਰ ਉਹ ਇਸਦੇ ਉਲਟ ਪੰਜਾਬ ਦੀ ਸਰਕਾਰ ਧਾਰਮਿਕ ਯਾਤਰਾਵਾਂ ਉਲੀਕ ਕੇ ਲੋਕਾਂ ਨੂੰ ਅੰਧ ਵਿਸ਼ਵਾਸੀ ਬਣਾਉਣ ਲੱਗੀ ਹੋਈ ਹੈ। ਉਹਨਾਂ ਕਿਹਾ ਕਿ ਲੋਕਾਂ ਨੂੰ ਇਹਨਾਂ ਤੀਰਥ ਯਾਤਰਾ ਦੀ ਨਹੀਂ ਰੋਜ਼ਗਾਰ ਸਿੱਖਿਆ ਅਤੇ ਸਿਹਤ ਸਹੂਲਤਾਂ ਦੀ ਲੋੜ ਹੈ। ਇਸ ਮੀਟਿੰਗ ਵਿੱਚ ਹੋਰਨਾਂ ਤੋਂ ਬਿਨਾ ਗੁਰਤੇਜ ਸਿੰਘ, ਜਗਤਾਰ ਸਿੰਘ, ਗੁਰਪਿਆਰ ਸਿੰਘ, ਸੋਨੂੰ ਆਦਿ ਵਲੋ ਵਿਸ਼ੇਸ ਸ਼ਿਰਕਤ ਕੀਤੀ ਗਈ।